سـجـة مع الـهاجــوس طـبـيـعة لي
طـبـيـعة بامـــوت ماجـــــزت عــنها
أشكي على الخلاق وأرفع له إيدي
لا كــثــرت الأفــــكــار يـفــك مــنها
أما الكرم قـــد فاز به حاتم الــطـي
حتى الفرس من شان ضيفة طعنها
خلوني أكرم في حــيــاتي و أنا حي
و لا مــت مدري جثــتي من دفــــنها
خــلـفت في الدنيا و انا ما معي شي
و بروح منها ما مــعــي شــي منها
مسكي يا للي تحسب الواجد شوي
و العافــيـة لو تـنــشري وش ثمنها
يا جـــاهـــل الدنيا ترا هي كم الفي
يا مخــبــل اللي في حــياته ومنها
إن ناحرتـلك قـامت تروح و تجي
مثل الذلـــول اللي طويـــل رسنها
و أن دبرت خلتك طايح و مرمي
و كم واحد له حــــاجة ما ضمنها
لا بد ما نرحل عن الــمــزح و الغي
و نسكن بيوت قـبـلنا من ســكــنها
النفس مثل الغصن عايش على الري
و لولاه كل الناس عــــافت وطـنها
يا الله عسى الحسنات تقضي على السي
لا قـــربـــوا لـلـــنفس ذرعــة كـفـنها