رئيس التحرير : بشير الرشيدي
  • اتصل بنا
  • خريطة الموقع
  • سياسة الخصوصية
  • الدخول | التسجيل
    • تسجيل جديد
    • دخول الأعضاء
    • فقدت كلمة المرور

بحث

أضواء الوطن
 
  • محليات
  • عالمية
  • الاخبار الاقتصادية
  • متابعات
  • تحقيقات صحفية
  • وظائف
  • السياحة
  • اخرى
    • أفراح ومناسبات
    • اخبار المجتمع
    • اخبار متنوعه
    • الاخبار الرياضية
    • التقنية
    • مقالات الكتاب
    • وزن القوافي
  • سمو أمير تبوك يستقبل مدير فرع وزارة التجارة بالمنطقة
  • “تعليم الرياض” يحقق 5 أوسمة عالمية في برنامج “جلوب البيئي”
  • 18033 مخالفة للإجراءات الاحترازية من فيروس كورونا خلال أسبوع
  • الصحة: تسجيل “186” حالة إصابة جديدة بفيروس كورونا
  • “المجلس الصحي”: المناعة التي يكتسبها المصاب بـ”كورونا” تختلف عن مناعة اللقاح
  • هيئة تقويم التعليم والتدريب تطلق منصة بيانات تقويم التعليم
  • “تقنية الرياض” تبدأ في تقديم برامج التدريب في الدبلومات المسائية تخصص دعم فني
  • “شتاء السعودية” منصة ثرية لتجارب “السياحة الريفية” المُستدامة
  • سمو محافظ حفرالباطن يستقبل مدير التعليم بحفرالباطن
  • “الغذاء والدواء”: وزن الطفل وتركيز الدواء يحددان جرعة “الباراسيتامول” المناسبة
  • فريق طبي بمستشفى رابغ ينجح في إنهاء معاناة مواطنة تعاني حمل خارج الرحم
  • خالد السلطان رئيساً لـ السعودية للكهرباء والزيد نائباً
  • تسونامي وكورونا.. تفاصيل “رسالة أرعبت دولة”
  • “هدف” يُساهم بتحمل تكاليف تدريب وتوظيف الباحثين عن عمل في المهن المحاسبية
  • توضيح هام من البنوك السعودية بخصوص «تحديث البيانات»

جديد الأخبار

“تقنية الرياض” تبدأ في تقديم برامج التدريب في الدبلومات المسائية تخصص دعم فني
“تقنية الرياض” تبدأ في تقديم برامج التدريب في الدبلومات المسائية تخصص دعم فني
2176 0

تسونامي وكورونا.. تفاصيل “رسالة أرعبت دولة”
تسونامي وكورونا.. تفاصيل “رسالة أرعبت دولة”
3394 0

ألمانيا تكشف وثائق سرية ضبطتها مع دبلوماسي إيراني خطط لعمل إرهابي عام 2018
ألمانيا تكشف وثائق سرية ضبطتها مع دبلوماسي إيراني خطط لعمل إرهابي عام 2018
13805 0

مصر تبدأ حملة التلقيح ضد كورونا الأحد
مصر تبدأ حملة التلقيح ضد كورونا الأحد
13660 0

الشاعر محمد الروم الشدادي إلى رحمة الله
الشاعر محمد الروم الشدادي إلى رحمة الله
24970 2

شاعرنا لهذا الاسبوع – بجاد أبودية العتيبي
02/02/2014  

شاعرنا لهذا الاسبوع – بجاد أبودية العتيبي

+ = -
0 48454
بجاد أبودية العتيبي
بجاد أبودية العتيبي 

[COLOR=#8C3E6B]إعداد وإشراف : عبدالله خيرالله العويمري[/COLOR]

شاعرنا لهذا الأسبوع ، شاعر نظم لم ينصفه الإعلام بالرغم من حضوره المشّرف وتفاعله مع كل مناسبة إلا أنه لازال بعيداً عن الإفلاشات والظهور الإعلامي .
يتميز بحبكة البيت وبجزالته مما أكسبه جماهيرية عريضة لمتذوقي الشعر الشعبي ، طرَق أبواب الشعر بكافة أنواعه وفنونه ويطغى قصائدة القضايا الاجتماعية حتى أصبح وجودة مطلب جماهيري في كل مناسبة .
شاعرنا العذب المتألق الشاعر (بجاد أبودية العتيبي) أخترنا من جديدة خمسة قصايد كل منها على بحر ولحن مختلف عن الآخر، بحورها الوافر ، الطويل ، الشيباني ، الهلالي ، المسحوب وفق مايلي:

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

في حضرَة الطيب وفي ساعة الطيب = حيّالله الطرقي بعيد المسافه
حيّالله الطرقي خوي أشهب الذيب = فينا ذراك عن الوزى والكَسافه
نوخ ذلولك كلبونّا معازيب = ماعندنا في مد ربي كلافه
للمرجله دايم غزاه ومراكيب = وفينا عليها من وفانا صلافه
لويلحق الرجال برد ولواهيب = ماسندت هقوات نفسه ضعافه
مانستحي لو مانعرف المواجيب = والاّ من الماجوب فينا مخافه
مانستحي للونا نقص العراقيب = مانستحي لو ما نكب السوافه
حنا عيال مكملين المطاليب = وصل الوفاء فينا عهود وخلافه
عدات أهلنا فالسنين المحاديب = وثوبٍ لبونا نكتسي في لحافه
الشايب اللي لوملك شَمّخ النيب = ماحطها الاّ في صحون الضيافه
من شبته لليوم قد طاله الشيب = مدات جوده ماقفاها حسافه
لوحطها من غير عدٍ وترتيب = مراح من يمناه ماعاد شافه
الوافي المّوفي عطيب المضاريب = لاهزَت الراس الضعيف المخافه
أصل المراجل ماتعداه وتغيب = وبيّض الفعول الفاضله والعرافه
حرام مايقفاه عيب وعذاريب = يومٍ غيره مطلق الفال طافه
وعليه من دنياه مثل المغاريب = سودٍ تعذرعن صداها النظافه
لولا هذا مكان عدا المراقيب = سبع الخلا ومحصنّ المال حافه
ولولاه ماكانوا شيوخ ومناصيب = ولاميّزت بعض العرب بالتوافه
ماكل بنتٍ أنثى عقيم عن الصِيب = ولا كل تلعات العواتق معافه
منا سنام المجد عدل وتراحيب = واصل الوفا فينا مراقي سنافه
غير الوفا والطيب ومجانب العيب = الجود منا طالب الجود شافه [/poem]

القصيدة الثانيه:
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

سلام الله على شيخ المراجل والزمان أن طال = تجدد فيه مني كل لليله بالوفاء حاله
سلامٍ فيه جزلات المعاني والعلوم ثقال = أسوقه من بلادي نجد وبلاد النبي فاله
على شرواك من رؤس الحبال العاليه بجبال = على مطال منها من طويلٍ يركب امثاله
تقول أنه على رؤس النوايف فالمزون يّشال = حسايف واحدٍ مايقدر الماجوب من ماله
ردي الروابع والفعول الماضيات هزال = صفاتٍ في حياته غير مطلوبي ومرساله
أبيه يقال لامنه تعلى فالطوال ومال = هذا من عالي المرقاب بيت الجود منزاله
هذا منصاك مني سايقه ماساقه الجمال = هداوي طيبٍ من كفه اليمنى ليّا خاله
عسى بعض البنيخي مايساوي فالعيون ريال = عساه ولاعسى خاله يسند ناقص أفعاله
ماني من ناسٍ أكبرها عن الواجب تشوفه ذَال = يهزه من تحت حِدب الضلوع القلب وجفاله
ختولٍ مايعرف الا يقول فلان قال وقال = يغثك ماشرب عندك من الدَله لفنجاله
مداني في حياتي من صفاها الصاحب العيّال = ولاقول الكلام أن شان عني من بعد قاله
رفيع المقام عن التوافه وضيق البال = بعيد الهقاوي لاطوى اللاش لحباله
ولوتنشدون الناس عني كلها رجال = كبير المواقف لاتعلق دوِّنها العَاله
أثني من يدي بنت الصعايب ماتبي لعقال = خياري من غزايز رؤس جيشٍ تنطح القاله
وهل ديرة تطري الحيا والحياء ماسأل = منّه واديٍ ضامي ولو فالسنه ساله
تليّن بِه الكبود اللي طواها فالصميم اللال = غدت في قصاها بين رجليّه وخياله
أقول أنها عميّا بصاير وفيها اهبال = ولانيب اعنزها على العز وجباله[/poem]

القصيدة الثالثه:
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

اليوم في نفسي من الهم صايبه = وأن ضاق صدري وين أدور حبايبه
اللي بهم عن ضيقة الروح راحه = واللي لهم صدري وسَاع رحايبه
وافين صافين القلوب المِحبه = زينين في شين الزمان وشوايبه
كم حل طاريهم علي وتصرمت = عيني وصبت من صفاها صبايبه
عفت الزمان اللي بليَّا وجودهم =من عقبهم في فرحة الشوق شايبه
وقت مضى لي ماتعدد فضائله = والله ولانسى في حياتي غرايبه
مهوب وقت اليوم من ردي ساسه = مافوقه ألا من قصوره خرايبه
تطوي كمومه من جديده قديمها = واطٍ محبينه وواط قرايبه
داري ودار حبيّبينيّ تباعدت = من دونها نجم الكليبين غايبه
من دوهم تمسي ثمانين لآله = مع كثرها ماجتهم من الجود نايبه
والذيب قطَاع الفيافي نديمها = الموت يمسي في نوازي زرايبه
وأن جيت مثنات الديار وخفاها = الضيق والكود الكبير وعقايبه
واللي وراها وش وراها يهمني = غير الحبيب اللي تسلي عجايبه
اللي رسم حبه بقلبي وسوى = لاكبر مقامٍ يطرقنه هبايبه
يوم أتذكر من وصوفه جميلها = أونس لكبدي من سطا البعد ذايب
واقول واصبري تعدى حدوده = ياليت عيني عن هواى البيض تايبه
عشرين مع عشرين عام تعدت = ماطاب نفسي من صفا الود طايبه
عنهم حداني من سنيني قصاها = والعمر تومي به عجالاً ركايبه
وياليت حبي للمحبين عاما = أقول هاذي يالجداعي نصايبه[/poem]

القصيدة الرابعة:
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

يأم العيون السود ومروجل الشال = أنتي علامك ماعَليَّه تلدين
ماتنظرين لواحد شال الاثقال = كم الحمول الى تكود البعارين
نظرة وفاء لمعَرب الجد والخال = زيزومها لاثورةَ بالثقيلين
للمعرفه قَاري وللخيل خيّال = ومقدرٍ عند الجبر والسلاطين
وعند الله اكبر من كذا واصل الاعمال= لله نفعلها وحنا هل الدين
جزل العطايا لاتردٍ الاحوال = من مدتي تملى يدين المقلين
يوم الحياه اللي عليها القدر مال = ليّن انكسر فيها ظَهرها من البين
لولاي بعد الله تقطن الاحبال = هذا وأنا وين المقادير ثم وين
وأما قويت لمثلها ضعف وامثال = مانيب ابو نايف على العسر والين
أنشهدنّ لادرهمت بَشهب اللال = أثني وراء اللي فالمواقف خفيفين
راس المراجل هقوتي وين مَطال = لو يرتفع يّم الثريا والى وين
لي مطمعآ بالطيب والجود والمال = غيثٍ على رؤس الضعوف المساكين
لاخف ميزان الرجوله برجال = لي هقوة فيها ثقال الموازين
دايم هي المبداء ودايم على البال = لاجنبوها ماحرزوها الرديين
يفرحبها الطيّبَ ويكرهلها الذال = مطلب ولكن للرجال القويين
الله عطانيها وفيها الف حلال = عن ضيقة الخاطر وعن دمعة العين
وعن واحدٍ شَامت وحاقد وعذال = تضيع في طبعه حروف العناوين
كنّك ليّا وحيته يسولف على الفال = مافيه مذمومٍ يقوله ولازين
متصنفٍ في لون من عدة اشكال = لاطيبٍ واضح ولا مختفٍ شين
والجود منزالاً لأهلنا ولازال = طبعآ لبوي ولا عن الجود غَادين
نجود في عسر الليالي بالافعال = جودٍ على الماجود لو نأخذه دين
لو يرهن الرجال له مَال واموال = ماجنبت يمناه يمنى الميّامين
ولايعقب الماجوب منّا ولاعال = عن وقفته واحد ولو عاش قرنين
والغانمين اللي لهم فَيّ وظلال = من كل قوم ولا تَصور قليلين
منصا ليّا صكت جنابك على الجال = وان حدة الدنيا عليهم عزيزين[/poem]

القصيده الخامسه:
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

بَبدِي سمّا في نايفات المراقيب =ودي على راس الطويلات حزات
من عادتي مالاح في عارضيّ شيب = واليوم شايب والمواجيب عادات
من كون الدنيا ومن يعلم الغيب = غير الذي من فوق سبع السموات
الواحد اللي رِتّب الكون ترتيب = نرجي رضاه ومن يداه المسرات
يحفظ وطنّا من هْلَ الزيف والريب = دارن بها الوافين عدل ومقامات
لأوطانّا حق الثناء والمطاليب = ولملوكنا منا جزيل التحيات
حنا فدى لوطانا والمعازيب = وحنا نحب الدار من خالص الذات
المخلصين من النشاما مناصيب = يعني حمات حماه في كل الاوقات
دارٍ ربتنا وحضنتنا عن العييب = ومن خيرها عز النفوس العزيزات
من شانها شلنا السيوف المحاديب = على العدو لو يلحق الراس شرهات
فرسانها يوم القصاء وأشهب الذيب = وجنودها يوم الرخاء والملذات
ومن منتدى الهيلا حمول المواجيب = الشامخين عن الردى والمذلات
الخادمين لدولة العز والطيب = المخلصين بكل شتى المجلات
قلت القوافي في وطنا تراحيب = وحبًا بسوقه فوق يم المجرات [/poem]

شاعرنا لهذا الاسبوع –  بجاد أبودية العتيبي

محليات
لا يوجد وسوم
(0)(0)

وصلة دائمة لهذا المحتوى : https://www.adwaalwatan.com/5972/

المحتوى السابق المحتوى التالي
شاعرنا لهذا الاسبوع –  بجاد أبودية العتيبي
أمير المدينة المنورة يسلِّم مفاتيح الوحدات السكنية لمستفيدي المستودع الخيري بينبع
شاعرنا لهذا الاسبوع –  بجاد أبودية العتيبي
معالي مدير جامعة طيبة يؤكد اهمية دور الرياضة في ايجاد اجواء ايجابية تعزز التعاون

للمشاركة والمتابعة

  • التعليقات
  • تعليقات الفيس بوك

التعليقات 5

5 pings

إنتقل إلى نموذج التعليقات ↓

    1. 1

      02/02/2014 في 10:19 م[3] رابط التعليق

      الشاعر بجاد شاعر كبير وفعلا شاعر مظلوم اعلاميا
      اشكر صحيفة اضواء الوطن على الاهتمام بهذا الموروث الشعبي

      (0)

      الرد

      (0)

    2. 2

      02/02/2014 في 10:33 م[3] رابط التعليق

      صح لسانك بحور شعر وطرق تنفتح النفس للمتذوق

      (0)

      الرد

      (0)

    3. 3

      03/02/2014 في 10:18 ص[3] رابط التعليق

      شعر جميل ورائع من شاعر بحر مبدع يا بو نايف كعادتك

      (0)

      الرد

      (0)

    4. 4

      03/02/2014 في 11:29 ص[3] رابط التعليق

      صح لسانك يا بحر الشعر

      (0)

      الرد

      (0)

    5. 5

      03/02/2014 في 8:53 م[3] رابط التعليق

      درر ما شاء الله تبارك الله ذكرتني بالرعيل الأول للشعر الحقيقي .
      أشكرك ياشيخ

      (0)

      الرد

      (0)

أضف تعليقاً إلغاء الرد

لن يتم نشر عنوان بريدك الإلكتروني.

أضواء الوطن

Copyright © 2021 www.adwaalwatan.com All Rights Reserved.

صحيفة سعودية تأسست عام 2012م وحاصلة على ترخيص رسمي من وزارة الإعلام. تعمل في مجال الإعلام الإلكتروني، وتُقَدّم أبرز الأخبار

Powered by Tarana Press Version 3.2.5
برمجة وتصميم ترانا لتقنية المعلومات | ترانا بريس