مدغم ابو شيبة 

[COLOR=#841669]إعداد وإشراف : محسن الأشرف[/COLOR]

شاعرنا لهذا الاسبوع يكتب ليرتقي بالذائقة.. يناجي المشاعر والاحاسيس
لأنه يكتب باحساس مفعم بالحب .. يهدي لنا أجمل القصائد
له تجربة شعرية رائعة .. استطاع من خلالها أن يسجل اسمه في ذاكرة الجمهور
كتب لنا فأدهشنا واستحوذ على مشاعرنا انه الشاعر مدغم ابو شيبه

[poem=”font=”Arial,5,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=right use=ex num=”0,#400000″”]
للحـزن ساحـاتٍ بصـدري مثـل ساحـات القـتـال=فيهـا الاصيـل مــن المـهـار تـعـوّد بخيالـهـا
ولا يطفـي حـر مابـي مـن حـرايـق وأشتـعـال=الا الدمـوع اللـي مـن عيـونـي يـهـل هلالـهـا
لازال فيـهـا دمعـتـيـنٍ لـلـفـراق ولاتـــزال=ذكـرى هنـوفٍ كـل يــوم أحطّـهـا وأشتالـهـا
راحـت عسـى الله مايلحقنـي مشاريـه الـرجـال=تقـول كنّـي ماخلـقـت مــن الـتـراب الاّلـهـا
عـزّ الله أنّـي مانسيـت أفعالهـا بـنـت الـحـلال=لـعـل ربــي مايجازيـهـا بـســو أفعـالـهـا
أكبـر جريمـه ترتكبهـا فالهـوى مـن وسـع بـال=هــذي ضحايـاهـا بقلـبـي شـيـدوا تمثالـهـا
وشلون تهجرني وأنـا مالـي علـى الهجـر أحتمـال=وشلـون تهملنـي وأنـا مانيـب أطيـق أهمالـهـا
وشلـون تقطعنـي بسيـف البعـد قطّـاع الوصـال=وأنـا لـو أقطـع عـرق قلبـي ماقطعـت اوصالهـا
وشـلــون ماتشتاق,,ماترحم,,ماتذكر,,مـاتـسـال=وشـلـون ماتطـلـق يـديـنٍ كبـلـت بأغلالـهـا
وشلـون مايـطـري عليـهـا لاتفـيـت فالـظـلال=متشـبـثٍ لاوقـفـت جنـبـه قـعـد بظـلالـهـا
مكسور خاطر والسـوال أعـووووذ مـن ذل السـوال=يامـا أنتظـر مـن بـرج هاتفهـا يبـث أرسالـهـا
لكـنّ مـال الآدمـي حيلـه لامـن الـحـظ مــال=الميلـه اللـي فـال ربـي خيـر لـه مـن فالـهـا
هـي افقدتنـي مـن هنـا .. وأنـا فقـدت الاتصـال=مــن يــوم راحــت لارسايلـهـا ولا جوالـهـا
ياقـسـوة الايــام والـحـظ الــردي والاتـكـال=علـى مقولـة ( للمواقـف والـلـزوم ارجالـهـا )
يالله دخيلـك مـن تردّايـة نصيـب وشـيـن فــال=مـن حيـرة آمـري ليـت عنـدي حيلـةٍ وأحتالهـا
أن أرخصت قـدري وطاحـت قيمتـي والهجـر طـال=قولولـهـا تـتـرك مكابـرهـا وتـاخـذ بـالـهـا
أنا من اللي فوق .. فوق و هاي..هاي و عال .. عال=تركـد ويركـد عمّـهـا معـهـا ويـركـد خالـهـا
لاوصـلـت للـحـد هــذا لانـقـاش ولاجـــدال=تبـعـد وتنـكـف الامــور دقاقـهـا وجـلالـهـا
لو المفارق صعـب والنسيـان ضـرب مـن الخيـال=ارخـاي راســي لايــروق الـهـا ولايحلالـهـا
احفـظ لهـا قيمـة غلاهـا وأنتظرهـا مـن شمـال=وإذا نستـنـي هــذي الدنـيـا وهــذا حالـهـا
أمّا أني أنساها .. نسى الله مـن نسـى ذاك القبـال=ياااااصـبّ روحـي صـب دلتّهـا علـى فنجالـهـا
[/poem]

[poem=”font=”Arial,6,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=right use=ex num=”0,#400000″”]
العمر مقفي والمنايا مقابيل = كلٍ وماجابه نصيبه وفاله
والشاعر اللي مايوقف على حيل = يدفع على قصيدته من حلاله
سلام تسليمٍ من البحر للنيل =يهب له ريح الشمال بشماله
يسوق ريح المسك والبن والهيل = والعود الازرق والعلوم الجلاله
على الاصيله فالجة صبح الاصيل = صدر الشمال وعين نجد ودلاله
عسى السحاب اللي تمثنى الاقاذيل = يصب في راحة يديها خياله
من غيرها يستاهل العشب والسيل = الا نواة الارض مهد الرساله
اللي غزاها من غزاها على الفيل = واظلّها ربي عنْه في ظلاله
شعرٍ ماقيل بصيهد رماح ماقيل = تنسد أذاني سامعه عن مجاله
دارٍ لها قيمه وحشمه وتبجيل = يحدها في الصدر جاله وجاله
تنهل من امجاد ( السبيه ) مناهيل = هاك القراح اللي شربنا زلاله
وتنبت فخر ماهيب تنبت محاصيل = وتبرز من خيار السلايل سلاله
ينرد عنهم في الزمان الاقاويل =فرسان ابو تركي وصفوة رجاله
كله لعين ام الرموش المظاليل = ياما نطحنا دونها كل قاله
ياللي تحذفون الجبل بالفناجيل = مدري تغرفون البحر بالبياله
غنوا على موال مطولك ياليل =واخذوا على عض النواجد وكاله
المجد في حد السيوف المصاقيل =والا الجموع اللي تقاتل بساله
تنقص من دونه شوارب رياجيل = وتسقط جلاله لجل هيبة جلاله
علمٍ يحفظه جيل ويعلمه جيل = واطرف جواب لمن عطانا سؤاله
وقفاتنا تشف الكبود المغاليل = ورجالنا ينطح قبيله لحاله
نميل للبارود في عجّة الخيل = مثل الشمالي يوم ميّل عقاله
نارد على حوض المنايا مصاطيل = من غيّنا معطينها للثماله
لنا من الهيبه فيالق واساطيل = ولنامن المجد الاصيل الاصاله
ولنا من السطوه وش طيور ابابيل = الا مع ابابيل عمه وخاله
اللي تسوي في العروبه اسرائيل = حربٍ على المله وبطش وضلاله
واللي نسوي عدلة الميل بالميل= جهالةٍ ترد كيد الجهاله
حنا هل الغلبا الدهاه الحلاحيل = عدونا يقعد على الارض عاله
اليا رضينا للعداله مداهيل = واليا زعلنا مانعرف العداله
يا من كيانك مش حالك وتظليل= اسرع من ارماشة عيونك زواله
اقرب مثل ماعاش ( توقيع ابا الخيل ) = عاش المليك وصورته في ( رياله )[/poem]

[poem=”font=”Arial,5,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=right use=ex num=”0,#400000″”]

انثر على خدي من الدمع وانوح= لين المدامع جف ماهن وباحن
ومشاعري من شان لاصير مفضوح= اكذب على نفسي واقول استراحن
اهدي اعصابي وانا افور وافوح = لوفوقي الدله والابريق فاحن
لني فقدت الروح مع توأم الروح = اغلى ثلاث(ن) في حياتي وراحن
راحن وباب القلب للحزن مفتوح = والنوم عن عيني دروبه تناحن
ورثت من مرواحهن عشرة جروح = اسكت وهن سكوت ون صحت صاحن
والى لزمت الصمت ماودي ابوح = تجردن من صمتهن واستباحن
يال النصيب اللي كتب لي على اللوح = علقتهن بين المحاجر وطاحن
طاحن ويوم الظل ميل على الدوح = كن الحمايم في ضلوعي تلاحن
ياكسرة الخاطر وياقصرة الشوح =ضحيتين الحرب والحرب طاحن
قفن عن عيوني بروق(ن)لهن ضوح =واتلا العهد في شوفهن عقب لاحن
زينةحياة, ونصف دين, وغذا روح = اغلى ثلاث(ن) في حياتي وراحن[/poem]