بشير الرشيدي 

[COLOR=#960257]إعداد : عبدالله القحطاني – إشراف : محسن الأشرف[/COLOR]

كتب الشعر منذ سن مبكر ثم انقطع عن كتابة الشعر لظروف الدراسه. عاد للساحة في السنتين الاخيرة. احياء العديد من الامسيات الشعريه في السعودية والكويت ومصر. حصل على لقب فارس الامسية الكبرى التي اقيمت في الكويت وحافظ على نفس اللقب في القاهره . تواجد في العديد من المطبوعات السعودية والكويتية والخليحيه ويتواجد من خلال العديد من منابز الادب على الشبكة العنكبوتية

القصيده 1

[poem=”font=”Simplified Arabic,6,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
يا الله يا اللي فيك تشخيص الابصار= يا ملتجأ المخلوق في كل شده

,انك تجمّل ذكرنا بين الاذكار =وتصد عنا اللي ما نقدر نصده

وتقدّي افكاري على زين الاشعار=اللي يردّد بين الاجواد مده

يأتي حديث اللي كثيرين الاسفار=وإن جاء مجاله جمّل اللي يعده

في صحبة الانذال جلب للاشرار= بابٍ طريقه خوة النذل سده

والمسك مّع حمالة المسك الاخيار= إن كان ما جاء خير ما جاك ضده

فأختر خويك من طويلين الاشبار= اللي تشبّ النار لو بالأشدّه

ترى حمام الدار لو فارق الدار=يخطر عليه يموت قبل إن تردّه

وإن ضاقت الحيله وضيّعت الاشوار= لا تنتظر فزعة رفيقٍ توده

ملجاءك لله عالم بغيب الاسرار =هو ملتجاء المخلوق في كل شده[/poem]

القصيده 2

[poem=”font=”Simplified Arabic,6,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
يا الله يا علام ما تخفي الصدور = خافي خفايا الخلق ما هي بتخفاه

أنت الكريم المعطي البر الشكور = اللي ما يعطي معطي الا من عطاه

أنت الرحيم أنت الودود أنت الغفور = اغفر خطايا العبد يا مكثر خطاه

وافرج هموم اللي على الدنيا صبور = تناوبه الانياب من كل اتجاه

مسلم زمان اليوم من بد العصور = يرثى لحاله حيل لله مشتكاه

صار بزمانٍ يجعل افكاره تدور = ما عاد يدري من صديقه من عداه

يضحك لعدوانه وهو كله سرور =ما يدري ان السم في تالي عشاه

على الخارطه ضيع مفاتيح السطور = صارت رموزٍ مبهمه والفكر تاه

غاصت به الاقدار في غبة بحور =ما بين مد وجزر وامواجٍ اعصاه

الريح تلعب به على الموج الهدور = قرب الغرق وأتلى مجاديفه عصاه

لا هو يغوص ولا لقي جسر العبور = دله يا معبوده على حبل النجاه

تسابقه الاحداث بأيام وشهور =ما ينعرف صباح يومه من مساه

سلب ونهب واطفال في عمر الزهور = يجنى على الجاهل بلا ذنب جناه

مشاهد تشاهد على مر الدهور = عادي ولا به حد يعير الانتباه

والمسلم استسلم للذات وغرور = ونسي ان تاريخه حديث للرواه

مرت صلاة الفجر ما سجل حضور =في بيت ربي يوم ما كثرت خطاه

اليا اذن المذن وشع الفجر نور = جر المخده وألتحف داخل غطاه

إلا ان تذكر مر على المسجد مرور = وصلى صلاةٍ كنه ما صلى الصلاه

يا كيف ما يلقى العدو فينا ثغور؟ = مـ اللي على ثغره ولا يقرب حماه؟

مليار فوق الأرض كنهم في القبور = يعني غثاء السيل بأطراف المياه

يا من جعلت الارض لعبادك طهور = اصلح غثاء السيل واستر ما تراه[/poem]

القصيده 3

[poem=”font=”Simplified Arabic,6,#000000,bold,normal” bkcolor=”#FFFFFF” bkimage=”” border=”none,5,#400000″ shadow=”1″ type=0 line=0 align=center use=ex num=”0,#400000″”]

يا الهجوس الخفيه زلزلي في الحنايا = ويا الدموع السجينه همّلي في المحاجر
ما لدربك طلوعٍ في عيون البرايا =غير سقف الضلوع اللي ترد الخناجر
أخفي جروح حبك تحت ضحكة ثنايا = والعيون اتحكي اللي ما حكته الحناجر
وأنتي إن شفتي العينين تحكي حكايا = شاركيها الحديث وبادليها المشاعر
لا تقولين ما افهم في حديث الخفايا = صادق الحب خافي كاذب الحب ظاهر
وإن دريتي إن جرحك بي مسوي سوايا =والعيون المرايا والصدور المقابر
فأسرعي في علاجه وأصدقي في النوايا = ماحدٍ فيه غيرك يا أعذب الحب خابر
[/poem]

القصيده 4

[poem=”font=”Simplified Arabic,6,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
ليصار لك هقـوات وطمـوح ٍ تعانـده الظـروف=اتخالفـك دنيـاك جــري سنينـهـا وظروفـهـا

وطوّل طموحك ينتظـر خلف الأماني والصفوف =تمضي الفرص تلو الفرص توّ العـيون تشــوفها

إن فاتت الفرصة فلا تكثر عليهـا مـ الحسـوف=النفس ما يرجـع عليهـا اللـي مضـى بحسوفهـا

وعلق الأمل بيد الكريـم اللي يأمِـن كل خوف=رب العبـاد اللـي لـه عبـاده تـمـد كفوفـهـا

اللي حدا سـود السحاب اللي تحمّل بالقنـوف=يحيي به الأرض الجفـاف اللـي خلـي ٍ جوفهـا

لين أصبحت روض ٍ خضر يزهى بشوفه كل شوف=من بعد مـا كـان يتشابه روضهـا بجروفهـا

صارت تباهى بالنفل والزهـر مـن كـل الصنوف=في حلة ٍ يصعب على الشعار وصـف وصوفهـا

ما كنّها يوم أمس غبراء ما بها غصـنٍ يـزوف=أغصانهـا هشيـم وريــاح السنـيـن تلوفـهـا

يأتيك بعـد العسـر يسـر يجلي آثار الكسـوف=من فضل مـن مدّتـه تغنـي الجارحـة بكهوفهـا

ودنياك لو تضحك معـك لابـد ترمـي بالصـدوف=لـو ذوّقتـك أفراحهـا لازم تـذوق صدوفـهـا

لاشك ليجاتـك وهـي مسترسلـه ترمي حـذوف=إلجاء إلي اللـي قـادر ٍ يكفيـك شـر حذوفهـا

لا تلتفت يم البشـر ضعيف يزهم في ضعـوف =والله ما ينفعـك كثـر أموالـهـا وصفوفـهـا

خلانك اللي في الرخـا لأجلـك تطبل بالدفوف=يـا قلهـم ليصكـت الدنيـا عليـك دروفـهـا

بالأمس الأول كنك مـا قدمت بيديـك امعروف =نسيَـت معارفيـك وهي ما قدمت معروفـهــا

يا ضعف راع الواسطه يا ضعف جمّاع الألـوف=يا قـوة اللـي نفسـه إيمانـه يطمن خوفهـا

تلقاه شامخ كنـه الرجـم الطويـل اللي ينوف=ما يتبع أهـل المال ولا شاف ويش شفوفهـا

ما يرخي الهامه من أجل المال والمال مخلوف=من روس قوم ٍ مالها يرخص من أجل ضيوفـهـا

خلك كذا.. والرأس ربـي خالقـه فـوق الكتوف=ما يرتخي إلا لله اللـي له تــذل أنوفـهـا

خواطر ٍ جتني كذا من دون مـا اجمّع حـروف=شوارد ٍ كتبتها كما أتـــت بحـروفـهـا

طيف ٍ من الأشعار وليا مرنـي بعـض الطيـوف=تأتـي بنـات الفكر قبل ظلالهـا وطيوفهـا[/poem]